الحدود جوه البيت... حماية مش عقاب

أهلًًا بيكم من قلب البيت ️❤

لما بنقول ”حدود“ في التربية، أول حاجة بتيجي في بال الناس هي: الممنوعات، أو العقوبات.

لكن الحقيقة إن الحدود هي أكتر حاجة بتحمي العلاقة... مش بتكسرها.

البيت اللي مفيهوش حدود واضحة،

بيتحّول لساحة مفتوحة...

ماحدش عارف هو فين وإمتى لازم يقف أو يحترم مساحته أو مساحة غيره.

الحدود مش معناها نزع الحنان،

ولا معناها إن الطفل يسمع الكلام ”وخالص“،

الحدود معناها وضوح.

أنا كأم أو أب... عندي قواعد واضحة، وعارف أنا واقف فين.

وده بيخلي الطفل كمان يحس بالأمان،

لأنه عارف إيه مسموح وإيه لأ،

وأكتر من كده: عارف إن فيه حد مسؤول بيحميه.

ولادنا محتاجين يعرفوا إنهم مش مسؤولين عن كل حاجة،

محتاجين حد يقولهم ”أنا هنا“، ”أنا شايف“، ”أنا حاطط حدود تحميك“،

مش عشان أخوفك...

لكن عشان ما تتلخبطش، وما تشيلش فوق طاقتك.

الحدود كمان بتعلمهم يحترموا حدود الناس...

يعني لما احترم مشاعرهم،

هم كمان هيتعلموا يحترموا مشاعري،

لما أقول ”أنا محتاجة دلوقتي أرتاح“ ويشوفني بأخد وقتي،

هتعلمه هو كمان يقول ”أنا محتاج وقتي“.

الحدود لازم تكون واضحة، ثابتة، لكن فيها مرونة.

يعني فيه حاجات مش هنتفاوض عليها،

لكن كمان فيه مساحات نسمع فيها بعض.

سؤال من قلب البيت:

إيه أكتر موقف حسيتي فيه إن وجود حدود واضحة خلى العلاقة بينك وبين طفلك تبقى أسهل وأقرب؟

شاركيني رأيك في التعليقات...

وخلي صوتك يوصل لبيوت تانية ️❤