البيت مش لازم يكون مثالي... علشان يكون دافي

أهلاًً بيكم من قلب البيت ️❤

كتير مننا بيعيش تحت ضغط المثالية،

عايزين كل حاجة تبقى صح...

”البيت منظم، الأولاد مهذبين، الأكل صحي، المذاكرة مظبوطة، العلاقة بين الأب والأم مثالية، وكل حاجة ماشية حسب الكتالوج“.

بس الحقيقة؟

البيت مش مشروع لازم ياخد ١٠ من ١٠ ،

البيت مساحة للونس، للغلط، للتعلم،

مش لازم يكون ”مثالي“... علشان يكون ”حقيقي“.

البيت مش محتاج يبقى دايما هادي،

ولا الأطفال لازم يكونوا دايما مبتسمين،

ولا الأم دايماًً متزنة،

ولا الأب دايماًً حاضر...

البيت محتاج يكون فيه نية صادقة...

نية للحب، للرعاية، للتفاهم، حتى لو فيه أخطاء.

البيت اللي كل واحد فيه بيحاول بطريقته، حتى لو بيتلخبط...

بيوصل لنوع من الأمان،

لأن الأطفال مش محتاجين صورة ”أب وأم مثاليين“،

هم محتاجين ناس بتحاول وتعتذر وتحضن وتبدأ من جديد.

الناس اللي بتقولك: ”لازم ابنك يعمل كده“،

أو ”إزاي بنتك لسه بتعمل كده؟“

دول مش عايشين معاك،

و ما يعرفوش إنتي بتعملي قد إيه من مجهود علشان تخلّي البيت ده بيت.

اختاري إنتي شكل البيت اللي يناسب عيلتك،

مش الصورة اللي المجتمع بيحاول يفرضها.

كل بيت ليه نكهته، طابعه، وخصوصيته...

مافيش فورمة واحدة للسعادة.

وفيه بيوت كتير جداً شكلها مش ”كامل“... بس مليانة دفء ومحّبة.

سؤال من قلب البيت:

لو هتوصف بيتك بكلمة واحدة، تكون إيه؟

شاركيني في الكومنتات،

وسيبينا نحتفل مع بعض إن ”البيت الحقيقي مش لازم يكون مثالي... بس لازم يكون دافي“. ❤